Project d'architectura
A Trun mauncan oz bunas e modernas habitaziuns, adattadas per famiglias. Tenor Interess Trun duei nies vitg daventar era en quei grau il pli attractiv vitg per famiglias en Surselva. Nus lein porscher a famiglias in bien ed emperneivel center da viver.
Finamira:
Trun ha las habitaziuns specialmein adattadas per famiglias giuvnas pertuccont funcziun e standard.
Quella finamira drova:
adattadas habitaziuns cun spazi per famiglias cun infrastructura necessaria sco per exempel rudi d'affons etc.
Interess Trun sustegn
in'architectura ecologica cun sligiaziuns modularas sin ault nivel.
Il baghetg duei:
s'adattar als basegns cun sligiaziuns modularas sco per exempel differents spazis, differentas grondezias ni scaldaments etc., esser enamiez ina adattada infrastructura cun tut quei ch'ei drova per famiglias, porscher spazi per famiglias da viver en in adattau contuorn enteifer in ambient ecologic ed era porscher spazi da viver per glieud sils onns.
Il project d'architectura:
duei cumpigliar igl entir vitg e buca mo in singul baghetg pli grond
Termins:
Il fevrer ha Interess Trun presentau las ideas dils dus projects alla suprastonza communala. Interess Trun drova il sustegn politic e finanzial per entscheiver cun las lavurs dils architects planisaders.
Vies meini interessescha nus