In questiunari

Per saver enconuscher pli exact ils basegns e giavischs da giuvnas famiglias ha Interess Trun creau
il mars 2012 in questiunari per giuvnas famiglias, sesentas a Trun ed ordeifer.

Il questiunari han survegniu:

    … cunzun giuvnas famiglias

    • ch'enqueran in emperneivel habitadi per ina famiglia en ina emperneivla cuntrada,
    • ch'enqueran ina cumadeivla infrastructura sco center da viver per lur affons e famiglia e
    • ch'enqueran lavur (ni lavur parziala) el commerci,
      en fatschentas ni en instituziuns publicas a Trun ni el contuorn.

    … persunas sesentas a Trun

    • ch'ein turnadas a Trun suenter lur scolaziun,
    • ch'han fatg lur scolaziun a Trun e stai a Trun
    • cun ni aunc senza famiglia

    … persunas d’ordeifer

    • che vivan ella bassa ni ella regiun
    • che han absolviu lur scolaziun ordeifer ed ein stadas leu
    • cun ni aunc senza famiglia


Emprema part dil questiunari:

Damondas:
L'emprema part dil questiunari leva saver tgei che quellas famiglias drovien ni duvrassien per saver viver a Trun, daco ch'ellas vivien atgnamein a Trun ni daco ch'ellas vivien ordeifer. Ina damonda era, con ditg ch’il viadi alla lavur astgass esser? Cheu era la pusseivladad da rispunder libramein.


Rispostas:
Tuttas persunas han detg lur meini sur dalla situaziun sociala e politica a Trun, fatg propostas pil futur da Trun e cunzun tgei che stoppi vegnir meglier a Trun per ch'ellas vegnien cun famiglia a Trun. Neginas rispostas ein stadas anonimas.

    Denter biaras autras rispostas ein duas stadas impurtontas:
  • Pliras mummas giavischan da saver luvrar puspei en lur clamada e lessen perquei ina meisa da miezdi
    cun la pusseivladad d'accumpignament da far ils pensums da scola
  • Plirs babs fussen senz'auter promts da pendular, schizun entochen Cuera,
    sche la famiglia ha bunas premissas a Trun.


Ei para che tuttas persunas hagien rispundiu fetg aviartamein e sinceramein.


Secunda part dil questiunari:

Damondas:
Plinavon leva Interess Trun saver tenor tgei prioritads ch’ils suandonts aspects vegnien valetai: Ils facturs eran da valetar cun „notas“ denter 1 e 5 (1 ei „buc impurtont“, 5 „fetg impurtont“).

Rispostas:

    5 puncts:

    • Survigilonza d'affons sur il di ora
    • Qualitad da scola
    • Ruasseivel e bi habitadi

    4 puncts:

    • Pusseivladad da cumprar el vitg quei ch'ei drova mintga di
    • Purschidas culturalas e sportivas el temps liber
    • Purschida culturala
    • Lungatg
    • Bunas pusseivladads cun il traffic public (tren e bus)
    • Segirtad publica (segira via da scola, negina criminalitad etc.)
    • Pei da taglia

    3 puncts:

    • Bass cuosts da habitar
    • Plaz da lavur a Trun ni ella vischinonza