Nus stuein crescher!

Interess Trun vul mesiras encunter quei svilup fatal!


Interess Trun ei perschuadius: nus stuein puspei crescher!
Schiglioc sperdin nus tut quei che fa nies vitg attractivs per in e scadin - e cunzun per famiglias!

Tenor il meini dad Interess Trun sa quei svilup negativ vegnir frenaus sulettamein cun mesiras che mantegan ni augmentan la qualitad da viver per famiglias. Trun duei vegnir in dils pli attractivs vitgs per famiglias en Surselva. In augment da qualitad da habitaziuns e la pusseivladad da saver viver en ina emperneivla infrastructura, specialmein adattada per famiglias cun affons, ei indispensabela.

Untgir ora sin pli gronds projets turistics ha en Trun pauc success pil futur e vegn buca a sminuir
la digren dallas famiglias indigenas!

Las premissas per la realisaziun da quella finamira ein dadas cun la vasta infrastructura existenta.
Nus lein nezegiar e reactivar ellas cun novas ideas.


In questiunari dat sclariment:


Per saver detagliadamein tgei che giuvnas famiglias giavischan, per che Trun sappi vegnir il pli attractiv vitg dalla Surselva, ha Interess Trun tarmess gia il mars 2012 in questiunari a giuvens geniturs, sesents a Trun ni ella regiun. Sin fundament dallas numerusas rispostas ha Interess Trun elaborau dus projects:

1. project per ina tgira d'affons
2. project d'architectura